د تخنیکي او مسلکي زده کړو ادارې د اکاډمیک بورډ غونډه ترسره شوه
د تخنیکي او مسلکي زده کړو ادارې د اکاډمیک بورډ غونډه، د تخنیکي او مسلکي چارو مرستیال ښاغلي مولوي غلام سعید احساس په مشرۍ ترسره شوه.
د دې ناستې په پيل کې د اکادمیک بورد د تېرې غونډې پر پرېکړو بحث وشو او اړوندو څانګو د خپلو کړنو راپورونه وړاندې کړل.
دغهراز، د دې ناستې په دوام کې، په اکاډمیک او فني ـ تدریسي کادر کې د یوشمیر ریاستونو لکه د تضمین کیفیت او اعتبار ورکولو ریاست، د تعلیمي څارنې او ارزونې ریاست او همدارنګه د متعلمینو او محصلینو چارو ریاست د نوي تاسیس شویو بستونو د شاملیدلو په اړه نظرونه څرګند شول.
له بلې خوا، د تعلیمي څارنې او ارزونې ریاست د سر معلم او کتابدار د توظیف کیدو د مسودې په اړه لازمي توضیحات وړاندې کړل.
ګډونوالو په دې غونډه کې د مطرح شویو موضوعاتو په اړه بحث وکړ او د موضوع په اړه یې خپل نظرونه شریک کړل.
د نن ورځې په اکاډمیک بورډ غونډه کې پر یو شمیر نورو اړونده موضوعات هم بحث وشو او غونډه د دعایی په ویلو سره پای ته ورسیده.
