د تخنیکي او مسلکي زده کړو په مراکزو کې د محصلینو لخوا عملي روزنو د زده کړې دوام
د لغمان ولایت دمرکز اړوند کثیرالرشتوي انسټیټوټ د ساختماني څانګې محصلینو د یاد ولایت د اوبو او انرژي ریاست ته د یو علمي سفر په ترڅ کې د ساختمان د نقشه کشۍ په اړه په عملي بڼه روزنه ورکړل شوه.
نوموړو په دې درسي جلسه کې د " ساختمان، د ساختمانونو نقشه کشۍ او همدارنګه د ساختماني نقشو د تطبیق " په اړه عملي او نظري روزنه ترلاسه کړه.
دغه راز د روزنې په جریان کې، محصلینو په عملي توګه د استاد لارښوونې تعقیب کړې او خپلې پوښتنې یې شریکې کړې.
په دوام کې د هغوی پوښتنو او سوالونو ته د لارښود استاد لخوا ځوابونه ورکړل شول.
عملي زده کړې د مفاهیمو د ښه پوهیدو لپاره د زمینې رامینځته کولو سربیره، دغه زده کړې د زده کونکو هڅونه او د مختلفو علومو د زده کړې په برخه کې د نوموړو د لیوالتیا زیاتولو کې هم مرسته کوي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو بړۍ نوره هم پیاوړې کړي.
