د ساختمان د ویرنګ کارۍ په اړه د محصلینو عملي روزنه
د فيض آباد مرکز ته اړوند د کثیرالرشتوي انسټيټيوټ د بريښنا څانګې محصلينو ته په درسي جلسه کې د ساختمان د ویرنګ کارۍ په اړه روزنه ورکړل شوه.
همدارنګه لارښود استاد محصلینو ته د برښنایي سیمونو د کارولو او برق کشۍ ډولونه په عملي ډول تشریح کړل.
د تخنیکي او مسلکي زده کړو په مرکزونو کې ډیری زده کړې عملي دي. لکه څرنګه چې د دغو مرکزونو فارغان په مستقیم ډول د کار بازار ته جذب کېږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
