د تخنیکي او مسلکي زده کړو ادارې سرپرست د کابل ولایت له تخنیکي آمرینو سره لیدنه وکړه
ښاغلي الحاج مولوي غلام حیدر شهامت، د تخنیکي او مسلکي زده کړو ادارې سرپرست، د کابل ولایت د تخنیکي او مسلکي زده کړو مرکزونو له آمرینو سره په یوه ناسته کې خبرې اترې وکړې.
همدارنګه په دغه لیدنه کې د تخنیکي چارو مشاور، د دفتر مقام رئیس او د کابل ولایت تخنیکي آمر حضور درلود.
د دغه ناستې اساسي موخه د ولایتونو د تخنیکي او مسلکي زده کړو مرکزونو ستونزو ته حل لاره پیدا کول و، د کابل ولایت تخنیکي آمرینو ټولې ستونزې او مشکلات په دغه ناسته کې شریک کړل.
په همدې حال کې، د تخنیکي او مسلکي زده کړو ادارې سرپرست د هغوی د لاسته راوړنو څخه قدرداني وکړه او د ستونزو د حل د وعدې ترڅنګ یې هغوی ته د چارو د سمون په موخه لازمې لارښوونې وکړې.
همدارنګه ښاغلي استاذ رفیع الله حبیبي د کابل ولایت تخنیکي آمر، په دغه ناسته کې د کابل ولایت د تخنیکي او مسلکي زده کړو مرکزونو ستونزې او مشکلات شریک کړل.
ښاغلي شهامت صاحب د تخنیکي او مسلکي زده کړو مرکزونو د ستونزو د حل وعده ورکړه، د تخنیکي او مسلکي زده کړو مرکزونو آمرینو ته یې لارښوونه وکړه ترڅو د دندو په ترسره کولو کې په جدیت او صداقت سره کار وکړي.
