کابل د ناشنوایانو مسلکي انسټيټوټ د فراغت جشن لومړۍ دوره جوړه شوه
د کابل د ناشنوایانو مسلکي انسټيټوټ د دغه ښوونیز مرکز د محصلینو د فراغت په مناسبت فراغت غونډه جوړه کړه.
په دې مراسمو کې د فارغ شویو محصلینو د کورنیو غړو هم برخه اخیستې وه.
نوموړو د تخنیکي او مسلکي زده کړو ادارې څخه قدر داني وکړه چې د اوریدلو معلولیت لرونکو کسانو لپاره د زده کړو زمینه کې اسانتیاوې برابروي.
په همدې حال کې يو تن فارغ شوي محصل دکابل د ناشنوایانو مسلکي انسټيټوټ دښوونيزو پروګرامونو د څرنګوالي په اړه وويل چې اوس مهال په دغه ښوونيز مرکز کې د ناشنوا کسانو لپاره د زده کړو ټولې زمینې برابرې دي .
دا په داسې حال کې ده، چې د تخنيکي او مسلکي زده کړو اداره په ټول هېواد کې د ځانګړو زده کړو مرکزونه لري، چې په یاد مرکزونو کې د هغو کسانو لپاره چې د اورېدلو او ليدو معلوليت لري، په مسلکي توګه روزنه ورکول کېږي.
