د کندهار د تخنیکي او مسلکي زدکړو له خصوصي اړونده ښوونیزو مرکزونو څخه لیدنه و شوه
د تخنیکي او مسلکي زدکړو ادارې سرپرست محترم مفتي فضل الرحمن فاضل ؛کندهار ته د یو رسمي سفر په ترڅ کې د دغه ولایت د تخنیکي او مسلکي زدکړو له اړونده خصوصي او دولتی ښوونیزو مرکزونو څخه لیدنه وکړه.
د کندهار د تخنیکي او مسلکي زدکړو آمر ښاغلی سید سمیع الله قریشی چې په دې لیدنه کې یې د محترم فاضل صاحب ملتیا کوله، د یاد ولایت د خصوصي قادری انسټیټیوټ له استادانو، اداري کارکوونکو او مسوولانو سره ولیدل.
محترم مفتي صاحب د انسټیټیوټ مشرتابه ته لارښوونه وکړه چې ورکشاپونه د عملي زدکړو په برخه کې خورا اهمیت لري او تجهیز یې هم اړین دی.
د تخنیکی او مسلکی ادارې سرپرست؛ د اړوندو انسټیټیوټ د استادانو د ظرفیت د لوړاوي په هکله هم لازمې لارښوونې او سپارښتنې وکړې.
همدارنګه د دغو ښوونیزو مرکزونو درسي بهیر یې جلا جلا تر څارنې او ارزونې لاندې ونیو او په دې برخه کې یې د ټولو کړنې او لاسته راوړنې وستایلې.
