د نورستان په وايګل ولسوالۍ کې د تجارت، کانونو او کرنې په برخو کې د کثیرالرشتوي انسټیټوټ جوړېږي
د تخنیکي او مسلکي زده کړو ادارې یوه پلاوي نورستان ولایت ته د خپل سفر په ترڅ کې د یاد ولایت له والي الحاج حافظ محمد آقا حکیم سره وکتل.
په دې کتنه کې د نورستان والي د تخنيکي او مسلکي زده کړو ادارې د کړنو قدرداني وکړه.
نوموړي د دغه له اداري پلاوي وغوښتل، چې د نورستان مرکز د ادارې او محاسبې د انسټیټوټ په چوکاټ کې دې د شپې د روزنې څانګه جوړه کړي.
د نورستان والي دا هم ویلي دي چې د برښنا انجینرۍ په څانګه کې د مسلکي کسانو د کمښت د حل په موخه باید د دغه ولایت په مرکزي انسټیټونو کې د برښنا څانګه اضافه شي.
د تخنيکي او مسلکي اداري پلاوي په نورستان کې د تخنيکي او مسلکي زده کړو د مرکزونو د پراختيا په اړه ډاډ ورکړ.
نوموړی پلاوی وايي، په پام کې ده، چې د نورستان په وايګل ولسوالۍ کې د ادارې، تجارت، کانونو او کرنې په برخه کې کثیرالرشتوي انسټیټوټ جوړ شي.
