د میدان وردګو چک کثیرالرشتوي انسټيټوټ کې څلور سوه نيالګي کښېنول شول
د میدان وردګو ولایت چک ولسوالۍ کثیرالرشتوي انسټیټوټ په انګړ کې څلور سوه نیالګي کښېنول شول.
دغه اندازه نیالګي د سویډن کمیټې لخوا ورته ډالۍ شوي دي.
د نيالګيو کښېنولو په کمپاين کې چې د تخنيکي او مسلکي زده کړو ادارې د اطلاعاتو او عامه اړيکو آمریت له خوا د نورو رياستونو او آمریتونو په همغږي پيل شو، په کابل او ولايتونو کې د تخنيکي او مسلکي زده کړو مرکزونو په تاسیساتو کې په لسګونو زره نيالګي کښېنول شول.
د دغه کمپاین موخه د تخنیکي او مسلکي زده کړو ادارې په تعلیمي مرکزونو کې د زرغونې فضا پراخول دي.
