د لوګر ولایت د تخنیکي او مسلکي زده کړو آمریت او صدوخان حکیمي روغتون ترمنځ د همکارۍ هوکړهلیک لاسلیک شو
په لوګر ولایت کې د تخنیکي او مسلکي زده کړو ادارې مسؤلین خبر ورکوي چې په یاد ولایت کې یې د « صدوخان حکیمي » روغتون له رئیس سره د ګډو همکاریو هوکړه لیک لاسلیک کړ.
د لوګر ولایت د تخنیکي او مسلکي زده کړو آمریت د مسؤلینو پر بنسټ دغه اقدام د دواړو بنسټونو ترمنځ د ګډو همکاریو د پراختیا په موخه ترسره شوی دی.
ددې هوکړه لیک د لاسلیک کولو سره زده کونکي، استادان او د ښوونیزو مرکزونو کارمندان کولای شي په ځانګړي تخفیف د درملنې لپاره یاد روغتیایی مرکز ته مراجعه وکړي.
په ورته وخت کې، د « صدوخان حکیمي » معالجوي روغتون رئیس د لوګر د تخنیکي او مسلکي زده کړو آمریت سره د هوکړهلیک لاسلیک کولو پرمهال دغه راز د دې آمریت سره د لا زیاتو همکاریو ډاډ هم ورکړ.
