د لغمان ولایت مرکز کثیرالرشتوي انسټيټوټ محصلینو د عملي زده کړو لپاره د یاد ولایت له شرقي شهرنو څخه لیدنه وکړه
د لغمان ولایت مرکز کثیرالرشتوي انسټيټوټ محصلینو د تخنیکي او مسلکي زده کړو مرکزونو د عملي زده کړو په قالب کې د یاد ولایت شرقي شهر نو ته د یوه علمي سفر په ترڅ کې د ساختمان د فزیکي مواد په اړه روزنه ترلاسه کړه.
لارښود استاد ددې علمي سفر په ترڅ کې محصلینو ته د ساختمان، د ساختمان فزیکي موادو او د هغې فزیکي خواصو په اړه هر اړخیز معلومات وړاندې کړل.
د تخنیکي او مسلکي زده کړو په مرکزونو کې زیاتره زده کړې عملي دي، چې له همدې امله د دغو ښوونیزو مرکزونو فارغان په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
