د لغمان ولایت اړوند ادارې او حسابدارۍ انسټيټوټ د محصلینو فراغت غونډه ترسره شوه

د لغمان ولایت اړوند د ادارې او حسابدارۍ انسټيټوټ د محصلینو د فراغت په پار فراغتغونډه ترسره شوه.

دغه مراسم د لغمان ادارې او حساب دارۍ انسټيټوټ د ادارې او مدیریت او تجارت له څانګو څخه د کابو ۴۰ تنو محصلینو د فراغت په پار ترسره شول.

په دې مراسمو کې د لغمان ولایت سیمه‌ییزو چارواکو، د محصلینو والدینو او د یاد ولایت د تخنیکی او مسلکی زده کړو آمریت مسؤلینو هم حضور درلود.

ويناوالو په دې مراسمو کې وويل، ځوانان د ټولنې په پرمختګ کې اساسي رول لوبوي او بايد د هېواد د پرمختګ لپاره لا زيات کار وکړي.

د غونډې نورو ويناوالو هم د تخنيکي او مسلکي زده کړو پر ارزښت ټينګار وکړ او غونډه فارغ شويو ځوانانو ته د ستاینلیکونو په ورکولو سره پای ته ورسېده.