د سوداګرۍ نړیوالې خونې لخوا د تخنیکي او مسلکي زده کړو ادارې د سرپرست خدمتونه وستایل شول

په افغانستان کې د سوداګرۍ نړیوالې خونې (ICC Afg) د تخنیکي او مسلکي زده کړو ادارې د مشر مولوي غلام حیدر شهامت هڅې او خدمتونه وستایل.

 ښاغلي شهامت ته ستاینلیک نن په افغانستان کې د سوداګرۍ د نړیوالې خونې د اجرائیوي مشر محمد منیر کبیري له خوا ورکړل شو.

د تخنيکي او مسلکي زده کړو ادارې مشر او د یادې ادارې له مرستيال مولوي غلام سعيد احساس سره مل په افغانستان کې د سوداګرۍ د نړيوالې خونې له مشرتابه خبرې او اترې هم کړی دی.

په دې کتنه کې د تخنيکي او مسلکي زده کړو له ادارې سره د خصوصي سکټور پر همکاريو خبرې وشوې.

ښاغلي شهامت د تخنیکي او مسلکي زده کړو ادارې پلانونه او اقتصادي پروژې د سوداګرۍ د نړیوالې خونې له مشرتابه سره شریکې کړې او له سوداګرو یې وغوښتل چې په یادو پروژو پانګونه وکړي.