د خوست ولایت مرکز کثیرالرشتوي انسټيټوټ محصلینو د زم زم معدني اوبو له تولیدي فابریکې څخه لیدنه وکړه
د خوست ولایت مرکز کثیرالرشتوي انسټیټوټ د ادارې او تجارت څانګې محصلینو د تخنیکي او مسلکي زده کړو ادارې د عملي زده کړو په چوکاټ کې د یو علمي سفر په ترڅ کې د زم زم معدني اوبو له تولید فابریکې څخه لیدنه وکړه.
لارښود استاد په دې علمي سفر کې نوموړو ته د معدني اوبو د تولیدي پروسې په بیلابیلو اړخونو لکه د اوبو د تصفیه کولو پروسه، د بسته بندي سیسټم او د اوبو د کیفیت کنټرول په اړه هراړخیز توضیحات وړاندې کړل.
په دوام کې محصلینو هم د موضوع سره سم خپلې پوښتنې او سوالونه شریک کړل، چې د استاد لخوا ورته ځوابونه هم وړاندې شول.
دا په داسې حال کې ده چې د تخنیکي او مسلکي زده کړو ادارې رهبری تل هڅه کوي چې د تخنیکي او مسلکي زده کړو په مرکزونو کې د عملي زده کړو او علمي سفرونو لړۍ لا پیاوړې کړي.
