د تخنیکي او مسلکی زده کړو ادارې پلاوي فراه ولایت ته سفر وکړ
د تخنیکي او مسلکي زده کړو ادارې څخه د الحاج مولوي غلام حیدر شهامت به مشرۍ ددغه ادارې یو پلاوي فراه ولایت ته سفر وکړ.
په پلان کې ده چې دغه پلاوی د فراه ولایت د تخنیکي او مسلکي زده کړو مرکزونو وضعیت وڅېړي.
مخکې دغه پلاوي د هرات او بادغیس ولایتونو د تخنیکي او مسلکي زده کړو مرکزونو وضعیت څېړلی، ستونزې او اړتیاوې یې کتل شوې وې.
ولایتونو ته د تخنیکي او مسلکی زده کړو ادارې د سرپرست د سفر موخه د تخنیکي او مسلکي زده کړو مرکزونو ستونزو ته د حل لارې پیدا کول ګڼل شوي دي.
