د تخنیکي او مسلکي زده کړو په ښوونیزو مرکزونو کې د عملي روزنو د زده کړو دوام
د تخنیکي او مسلکي زده کړو ادارې اړوند ښوونیز مرکز د الکتروتخنیک څانګې محصلینو، ددې ښوونیز مرکز د عملي زده کړو په چوکات او د یوې کاري ساحې څخه د لیدنې په ترڅ کې د ساختماني چارو په اړه په عملي بڼه روزنه ترلاسه کړه.
نوموړو ته په دې درسي جلسه کې د ساختماني چارو، د ودانیو د بنسټ او د کانکریټ اچولو د څرنګوالي په اړه په عملي او نظري ډول روزنه ورکړل شوه.
عملي زده کړې د مفاهیمو د ښه پوهیدو سربیره، د زده کونکو د هڅونې، تشویق او د مختلفو علومو د زده کړې په برخه کې د نوموړو د لیوالتیا زیاتولو په برخه کې هم مرسته کوي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ نوره هم پیاوړې کړي.
