د تخنیکي او مسلکي زده کړو ادارې مشرې د ولسي جرګې له غړو سره وکتل
د تخنیکي او مسلکي زده کړو ادارې مشرې میرمن ندیمه سحر؛ د ولسي جرګې دیني، فرهنګي، پوهنې او لوړو زده کړو چارو کمیسیون له رئیس او غړو سره وکتل.
پدې ناسته کې، میرمن سحر د تخنیکي او مسلکي زده کړو قانون په اړه د خلکو له استازو سره هر اړخیز بحث وکړ.
د تخنیکي او مسلکي زده کړو قانون مسوده تیرکال ناوخته د افغانستان د اسلامي جمهوریت د کابینې لخوا تصویب شوه.
د دې قانون ترتیب د ۱۳۹۹ مالي کال کې د تخنیکي او مسلکي زده کړې ادارې پلان شوي فعالیتونو برخه وه.
تمه کیږي چې دغه قانون به د ولسي جرګې له تصویب او د افغانستان د اسلامي جمهوریت د ولسمشر لخوا لاسلیک کیدو وروسته سږکال نافذ شي.
