د تخنیکي او مسلکي زده کړو ادارې له روزنیزو مرکزونو څخه د څارنې او ارزونې طرحه وړاندې شوه
د تخنیکي او مسلکي زده کړو ادارې د څارنې او ارزونې ریاست د دغه ادارې د تخنیکي او مسلکي مرکزونو د څارنې او ارزونې پلان د سیمینار په بڼه وړاندې کړ.
په دغه سیمینار کې د تخنیکي او مسلکي زده کړو ادارې د روزنیزو مرکزونو د څارنې او ارزونې پلان تشریح شو. د دغه ادارې د روزنیزو مرکزونو د ننګونو او ستونزو حل د دغه طرحې له مهمو موخو څخه دی.
د تخنيکي او مسلکي زده کړو ادارې د اکاډمیکو چارو مرستيال استاد نورمحمد عزيزي وويل: "د دغه طرحې له مخې، اته څارونکي ډلې په مرکز او ولايتونو کې د دې ادارې د تخنيکي او مسلکي مرکزونو د نږدې څارنې او ارزونې لپاره ګمارل شوي دي."
د دغه طرحې له مخې، د دې ادارې د روزنیزو مرکزونو د څارنې او ارزونې د بهیر له پای ته رسېدو وروسته د څارنې ډلې؛ خپل راپور د تخنیکي او مسلکي زده کړو ادارې مشرتابه ته وسپارئ.
