د تخنیکي او مسلکي زده کړو ادارې رهبري غونډه ترسره شوه
د تخنیکي او مسلکي زده کړو ادارې د رهبرۍ غونډه د دې ادارې مشر مولوي غلام حیدر شهامت په مشرۍ او د مرستیالانو په حضور کې ترسره شوه.
په دې کتنه کې چې د ادارې رئيسانو او يو شمېر امرینو هم په کې برخه لرله، د ریاستونو پر ستونزو او د حل په لارو چارو خبرې وشوې.
د غونډې په پيل کې د تخنيکي او مسلکي زده کړو ادارې رئيس وويل، کله چې کومه ستونزه رامنځته شي، بايد د حل لاره یې هم وړاندیز شي.
مالی او حسابی رييس حميد پوپل د دې رياست او نورو رياستونو ترمنځ د لا زياتې همغږۍ غوښتنه وکړه او ويې ويل، چې د همغږۍ نشتوالى مالي رياست ته د بودجې په لګولو کې ستونزې رامنځته کوی.
د داخلي پلټنې رئیس احمد خان صابري وویل، د دې ادارې د مسلکي کارکوونکو او تجهیزاتو کمښت یوه ننګونه وه.
مولوی نیاز محمد مختار حرفوي پروګرامونو تنظیم مشر هم وويل، چې د دې رياست استاد شاګردی او لنډ مهاله کورسونو اسانتياوې او درسي کتابونه نشتوالی سره مخ دی.
دغه راز انسانې سرچینو رئیس عبدالوارث سکندري د ګمارنې د پروسې په اړه وړاندیزونه وکړل.
د تخنيکي زده کړو ادارې رئيس د رئیسانو او امرینو ستونزو او نظرونو له اورېدو وروسته د رياستونو ترمنځ پر همغږۍ ټينګار وکړ او لازمې لارښوونې يې وکړې.
