د تخنیکي او مسلکي زده کړو ادارې د کارکوونکو لپاره د ظرفیت لوړونې سمینار ترسره شو
د استقلال د لوړو زده کړو مؤسسې په همکارۍ د تخنیکي او مسلکي زده کړو ادارې د کارکوونکو لپاره د ظرفیت لوړونې سمینار ترسره شو.
د دغه ښوونیز پروګرام موضوع پلان جوړونه او برنامه وه چې د استقلال د لوړو زده کړو مؤسسې استاد محمد محسن هابیل له خوا تدریس شو.
په دغه سمینار کې د پلان جوړونې ټول پړاوونه او ستراتیژیک پلان تشریح شو.
د دغه برنامې د ترسره کولو موخه په کابل کې د تخنیکي او مسلکي زده کړو د مرکزونو د کارکوونکو ظرفیت لوړول وو.
د تخنيکي او مسلکي زده کړو ادارې له دې وړاندې هم د ابو ريحان د لوړو زده کړو مؤسسې په ګډون د خصوصي تحصيلي مؤسسو په همکارۍ ښوونیز پروګرامونه جوړ کړي دي.
