د تخنیکي او مسلکي زده کړو ادارې د رهبري پلاوي غونډه ترسره شوه
د مفتي فضل الرحمن فاضل په مشرۍ د تخنيکي او مسلکي زده کړو ادارې د اداري پلاوي غونډه؛ د دې ادارې د رئيسانو په حضور کې ترسره شوه.
په دې غونډه کې هغه وړانديزونه چې پخوا د ښوونځيو او انسټیټونو د ښوونکو له خوا وړاندې شوي وو په هراړخيزه توګه خبرې وشوې چې ځینی یې ومنل شول.
د تخنيکي او مسلکي زده کړو ادارې مشر په دولتي پوهنتونونو کې د تخنيکي او مسلکي زده کړو ادارې د انسټیټونو د فارغانو د داخلې د محدوديتونو د لرې کول چې د ښوونکو يو له مهمو وړانديزونو څخه دي وويل: د ا.ا.ا چارواکو په دې برخه کې د همکارۍ ژمنه وکړه. اوهمدارنګه په دې غونډه کې پرېکړه وشوه چې په رسمي ډول دې په دې برخه کې خپل وړاندیزونه د حکومت مشرتابه ته وسپاري.
ښاغلي فاضل همداراز زیاته کړه چې د تخنیکي پوهنتونونو د جوړولو په اړه لازم تصمیم نیول شوی او دا وروستۍ تصمیم ده.
د نن ورځې په غونډه کې پرېکړه وشوه، چې د 1400مالی کال په پای ته رسېدو سره د بودیجې د لګښت د ګړندي کولو په موخه د مالي او تدارکاتی ریاستونو ګډه کمېټه جوړه شي.
