د تخنیکي او مسلکي زده کړو ادارې د اکادمیک بورډ غونډه جوړه شوه
د تخنيکي او مسلکي زده کړو ادارې د اکادمیک بورد غونډه د یادې ادارې د تخنيکي او مسلکي چارو مرستيال ښاغلي مولوي غلام سعيد احساس په مشرۍ جوړه شوه.
د دې غونډې په پیل کې د اکادمیکو چارو د انسجام بورډ د نوي لایحې په اړه بحث وشو او ګډونوالو په دې برخه کې خپل نظریات شریک کړل.
د اکادمیکو چارو د انسجام بورډ د غونډې په دوام کې د نویو تحصیلي څانګو د رامنځته کولو په اړه بحث وشو او محترم مولوي احساس ټینګار وکړ چې د کار بازار له اړتیا سره سم باید نوې څانګې رامنځته شي.
په دې غونډه کې په نورو اړوندو مسایلو هم خبرې وشوې او غونډه په دعایې سره پای ته ورسیده.
