د تخنیکي او مسلکي زدهکړو ادارې مالي او اداري چارو مرستیال د بودیجې د لګښت په چټکتیا ټینګار وکړ
د تخنیکي او مسلکي زدهکړو ادارې مالي او اداري چارو مرستیال، محترم مفتی فضلالرحمن فاضل، په یوه ناسته کې د یادې ادارې د بودیجې د لګښت پر چټکتیا ټینګار وکړ.
دا ناسته چې د تخنیکي او مسلکي زده کړو ادارې د مالي او اداري چارو مرستیال په مشرۍ جوړه شوې وه، موخه یې د دې ادارې پروژو د پرمختګ بیاکتنه وه.
په دغه ناسته کې د وړاندې شوي راپور له مخې، د تخنیکي او مسلکي زده کړو ادارې د پروژو ډېره برخه د پلان سره سم پلي شوې ده.
له بلې خوا، محترم مفتي فاضل د مالې او اداري چارو مرستیال هم د تخنیکي او مسلکي زده کړو په اداره کې د عالي اقتصادي کمیسیون د دوهمې پریکړې د پلي کولو په اړه مسئولینو ته لازمې لارښوونې وړاندې کړې.
په یاده ناسته کې د نورو اړوندو مسایلو په اړه هم بحث وشو او ناسته د خیر په دعا سره پای ته ورسېده.
