د تخنيکي او مسلکي زده کړو ملي ادارې سرپرست کنړ ولایت ته سفر وکړ
د تخنيکي او مسلکي زده کړو ملي ادارې سرپرست الحاج مولوي غلام حيدر شهامت د خپل سفر په دوام کنړ ولايت ته ولاړ.
نوموړي د کنړ ولایت د تخنیکي او مسلکي زده کړو آمریت کې په یوه غونډه کې د یاد ولایت د تخنیکي او مسلکي زده کړو د مرکزونو له مسوولینو، د کنړ ولایت مرستیال والي او د علماوو شورا د رئیس په ګډون د یاد ولایت له سیمه ییزو مقاماتو سره وکتل.
د دې غونډې محور د تخنیکي او مسلکي زده کړو د مرکزونو د ستونزو حل کول او اړتیاوو ته رسیدګۍ ویل شوې ده.
محترم مولوي شهامت په دې پروګرام کې د تخنیکي او مسلکي زده کړو ادارې د لاسته راوړنو او پلانونو په اړه په مفصل توګه معلومات وړاندې کړل او زیاته یې کړه چې د کنړ ولایت د تخنیکي او مسلکي زده کړو آمریت وړاندیزونو او ستونزو ته رسیدګي وشي.
