د تخنیکي او مسلکي زده کړو ادارې د کارمندانو لپاره د ظرفیت لوړونې پروګرام جوړ شو
د تخنیکي او مسلکي زده کړو ادارې اړوند د کارکوونکو چارو ریاست د یادې ادارې د یو شمیر کارمندانو لپاره د ظرفیت لوړونې پروګرام جوړ کړ.
دغه پروګرام به ۴۵ ورځې دوام وکړي، چې په ترڅ کې به یې کارمندانو ته د کمپیوټر پروګرامونو لکه ورډ، ایکسل او وینډوز په اړه روزنه ورکړل شي.
د کارکوونکو چارو ریاست مسؤلینو لخوا د دې روزنیز پروګرام د ترسره کولو موخه په اداري برخو کې د کارمندانو د ظرفیت لوړول ویل شوي دي.
دا په داسې حال کې ده چې د تخنیکي او مسلکي زده کړو ادارې اړوند د کارکوونکو چارو ریاست تل هڅه کوي ترڅو د روزنیزو سیمینارونو په جوړولو سره د دې ادارې د کارمندانو د پوهاوي کچه او ظرفیت لوړ کړي.
