د هیواد په ۱۶ ولایتونو کې د روږدو کسانو او بندیانو لپاره د حرفوي کورسونو جوړیدل!
د تخنیکي او مسلکي زده کړو اداره د هېواد په ۱۶ ولایتونو کې په نشه یي توکو د روږدو کسانو او بندیانو لپاره لنډ مهاله حرفوي کورسونه جوړوي.
د تخنيکي او مسلکي زده کړو ادارې اړوند د حرفوي پروګرامونو د سمون ریاست مسوولينو په دې برخه کې د ولاياتو له تخنيکي او مسلکي زده کړو له آمرینو سره مجازي ناسته جوړه کړه.
په دې کتنه کې په نشه یي توکو د روږدو کسانو او بندیانو لپاره د لنډ مهاله حرفوي کورسونو د جوړولو د څرنګوالي په اړه بحث وشو او د تخنیکي او مسلکي زده کړو آمرینو د حرفوي پروګرامونو د تنظیم ریاست له مسؤلینو سره خپل نظریات او وړاندیزونه شریک کړل.
د يادونې وړ ده، چې تر اوس مهاله سلګونه تنه د تخنيکي او مسلکي زده کړو ادارې د لنډ مهاله حرفوي کورسونو له بېلابېلو پروګرامونو څخه د فراغت سندونه ترلاسه کړي او په بازار کې پر دندو بوخت دي.
