د تخنيکي او مسلکي زده کړو په اداره کې د ديني مسایلو آزموینه ترسره شوه
د تخنیکي او مسلکي زده کړو ادارې د ارشاد او دعوت ریاست د دغې ادارې د کارکوونکو لپاره د دیني درسونو د دویم دور په پای کې وروستۍ ازموینه ترسره کړه.
د دغې ازموینې د ترسره کولو موخه د راتلونکې درسونو د ادامې لپاره د کارکوونکو د سویې معولول دی.
له دې وړاندې هم د اسلامي فقهې په څانګو کې د تخنیکي او مسلکي زده کړو ادارې کارکوونکو ته د "فقه" په ګډون د اسلامي علومو تدریسي دروې جوړ کړې دي.
د تخنيکي او مسلکي زده کړو ادارې د ارشاد او دعوت ریاست رئيس ښاغلي مفتي نجم الدين حقاني د ديني درسونو د زده کړو له امله د دغې ادارې د کارکوونکو ستاينه وکړه.
نومړړي همدارنګه ټینګار وکړ چې د تخنیکي او مسلکي زده کړو ادارې د کارکوونکو لپاره د بېلابېلو درسي دورو په پیلولو سره د هغوی د اسلامي پوهې کچه لوړه شوې ده.
