پلان او استراتیژیکو همغږیو ریاست د «سرپناه برای زندگی» له مؤسسې سره ناسته ترسره کړه
د تخنیکي او مسلکي زده کړو ادارې د پلان او ستراتیژیکو همغږیو ریاست د «سرپناه برای زندگی» موسسې له چارواکو سره وکتل او خبرې اترې یې وکړې.
په دې غونډه کې، دواړو خواوو د همغږۍ او ګډو همکاریو د پیاوړتیا او پراختیا په اړه بحث وکړ.
د «سرپناه برای زندگی» موسسې چارواکو د پلان او ستراتیژیکو همغږیو ریاست له سرپرست سره د ناستې په ترڅ کې ژمنه وکړه چې د حرفوي زده کړو په برخه کې به د تخنیکي او مسلکي زده کړو له ادارې سره هر اړخیزې همکاري وکړي.
ددې غونډې په دوام کې په ولایتونو کې د حرفوي پروګرامونو د پلي کولو پر څرنګوالي بحث سره وشو، او ګډونوالو خپل نظریات او لیدلوري له یوبل سره شریکې کړې.
په همدې حال کې،د پلان او ستراتیژیکو همغږیو ریاست مسؤلینو د تخنیکي او مسلکي زده کړو له ادارې سره د آقا خان بنسټ د همکاریو څخه قدرداني وکړه او زیاته یې کړه چې د یادې ادارې سره د خصوصي موسسو همکاري باید د تخنیکي او مسلکي زده کړو ادارې د ستراتیژیک پلان پر بنسټ همغږي او تنظیم شي.
په دې غونډه کې پر نورو اړوندو موضوعاتو هم بحث وشو او په دې برخه کې لازمي تصمیمونه هم ونیول شول.
