مولوي غلام سعید احساس د اروزګان تخنیکي زده کړو مرکزونو له آمرینو سره وکتل او خبرې اترې یې ورسره وکړې
د تخنیکي او مسلکي چارو مرستیال ښاغلي مولوي غلام سعید احساس ارزګان ولایت ته د خپل سفر په ترڅ کې د یاد ولایت د تخنیکي مرکزونو له آمرینو سره ناسته ترسره کړه.
په دغې ناسته کې د ارزګان د تخنیکي او مسلکي زده کړو مرکزونو پر ستونزو او اړتیاوو خبرې وشوې.
ښاغلي مولوي احساس د ارزګان ولایت د تخنیکي زده کړو مرکزونو له مسؤلینو سره په کتنه کې له هغوی څخه وغوښتل چې د هېواد د پرمختګ لپاره په پوره اخلاص او صداقت کار وکړي.
له بلې خوا په دغې غونډه کې د زیاتو محصلینو د جذبولو پر څرنګوالي، د نصاب د تطبیق، عملي کار او د زده کړو د کیفیت د ښه والي په اړه خبرې وشوې. ګډونوالو خپل نظرونه شریک کړل او د تخنیکي او مسلکي چارو مرستیال دوی ته ځیني لارښوونې هم وکړې.
په ورته وخت کې د تخنيکي او مسلکي زده کړو اداري پلاوي د اروزګان ولايت د تخنيکي او مسلکي زده کړو د مرکزونو کارکوونکو ته د اداري او تدريسي چارو د لا ښه والي په موخه پرزينټيشن هم وړاندې کړ.
