مولوي غلام حیدر شهامت د وایګل انسټيټوټ د محصلینو په فراغت غونډه کې ګډون وکړ
د نورستان ولایت د وایګل ولسوالۍ کثیرالرشتوي انسټيټوټ د محصلینو په فراغت غونډه کې د تخنیکي او مسلکي زده کړو ملي ادارې سرپرست الحاج مولوي غلام حیدر شهامت ګډون او وینا وکړه.
نوموړي په دې مراسمو کې محصلينو ته د فراغت مبارکۍ تر څنګ یې زیاته کړه چې له فراغت وروسته نوموړي محصلین د هېواد پر وړاندې ډېر مسووليتونه لري.
د تخنيکي او مسلکي زده کړو ملي ادارې سرپرست دغه راز زياته کړه چې تخنيکي او مسلکي زده کړې د هېواد د پرمختګ به برخه کې مهمې دي او ځوانان بايد له دې زده کړو څخه د افغانستان د پرمختګ او ودې په برخه کې استفاده وکړي.
نورو ويناوالو هم په دې مراسمو کې د تخنيکي او مسلکي زده کړو پر اهميت ټينګار وکړ او له فارغانو يې وغوښتل چې د افغانستان د پرمختګ په برخه کې ډېرې هلې ځلې وکړي.
