د کابل ولایت چهارآسیاب ولسوالۍ کثیرالرشتوي انسټيټوټ د زده کوونکو له لوري د خیدک پروسس او تولید
د کابل ولایت اړوند چهارآسیاب ولسوالۍ کثیرالرشتوي انسټيټوټ د کرنې څانګې زده کونکو ته د یوې درسي او علمي جلسې په ترڅ کې د خیدک تولید پروسس د څرنګوالي په اړه روزنه ورکړل شوه.
دغه راز لارښود استاد په همدې درسي جلسې کې نوموړو ته د پنیر د ارزښت او د مستو، قیماق او غوړي پروسس کولو په شمول د بیلابیلو لبني محصولاتو د تولید او پروسس کولو د څرنګوالي په اړه په عملي بڼه توضیحات وړاندې کړل.
همداراز زده کوونکو هم په یادې درسي جلسه کې خپل نظرونه او پوښتنې له اړونده استاد سره شریکې کړې.
د تخنیکي او مسلکي زده کړو په مرکزونو کې د زده کړو لویه برخه عملي ده. له همدې امله یادو مرکزونو زده کوونکي له فراغت وروسته په بازار کې دندې ترلاسه کوي.
