د ننګرهار مرستیال والي سره د مفتي فضل الرحمن فاضل لیدنه او خبرې اترې
د تخنيکي او مسلکي زده کړو ادارې مالي او اداري چارو مرستيال ښاغلي مفتي فضل الرحمن فاضل ننګرهار ولايت ته د خپل سفر په ترڅ کې د یاد ولايت مرستيال والي مولوي محمد سعيد بنوري سره وکتل او خبرې اترې یې ورسره وکړې.
د دغې لیدنې تمرکز په ننګرهار کې د یو شمېر تخنیکي او مسلکي زده کړو مرکزونو د ستونزو حل څرنګوالي یاد شوی دی.
په ورته وخت کې د تخنيکي او مسلکي زده کړو ادارې مالي او اداري چارو مرستيال د ننګرهار ولايت د تخنيکي او مسلکي زده کړو مرکزونو ستونزې له مرستيال والي سره شريکې کړې.
ښاغلي مولوي بنوري په ننګرهار ولایت کې د تخنیکي او مسلکي مرکزونو ستونزو د حل ژمنه وکړه.
نوموړي دغه راز د چپرهار د کرنې انسټيټوټ ستونزو د څېړلو په موخه يوه با صلاحيته کمېټه هم وګمارله، ترڅو د یاد ښوونيز مرکز ستونزې هوارې شي.
