د میربچه کوټ کرنې مسلکي لېسې د محصلینو فراغت غونډه ترسره شوه
د کابل ولایت د میربچه کوټ ولسوالۍ کرنې مسلکي لېسې د محصلینو فراغت غونډه ترسره شوه.
په دې مراسمو کې محلي مقاماتو، د محصلینو والدینو او ځوانانو هم برخه حضور درلود.
ويناوالو په دې مراسمو کې وويل، ځوانان د ټولنې په پرمختګ کې اساسي رول لوبوي او بايد د هېواد د پرمختګ لپاره لا زيات کار وکړي.
دغه راز په دې مراسمو کې دکابل ولايت دتخنيکي او مسلکي زده کړو آمر استاد رفيع الله حبيبي دتخنيکي او مسلکي زده کړو ادارې د بيلابيلو څانګو په باب معلومات وړاندې کړل او ويې ويل چې یاده اداره دافغانستان په پرمختګ او پرمختيا کې مهم رول لري .
د غونډې نورو ويناوالو هم د تخنيکي او مسلکي زده کړو پر ارزښت ټينګار وکړ او غونډه فارغ شويو ځوانانو ته د ستاینلیکونو په ورکولو سره پای ته ورسېده.
