د میدان وردګو ولایت د ځانګړو زده کړو مسلکي لیسې زده کوونکو ته قرطاسیه توزيع شوه
په میدان وردګو ولایت کې د تخنیکي او مسلکي زده کړو ادارې مسؤلین خبر ورکوي چې د یاد ولایت د ځانګړو زدهکړو مسلکي لیسې زده کوونکو ته یې قرطاسیه او نور ښوونیز توکي ویشلي دي.
د میدان وردګو ولایت د تخنیکي او مسلکي زده کړو آمریت د مسؤلینو په وینا، په دغو توکو کې کتابچې، بکسه، قلمونه او نور ښوونیز توکي شامل دي چې دغه توکي د یو تن هیوادوال لخوا د ځانګړو زده کړو مسلکي لیسې زده کوونکو ته وویشل شول.
اوس مهال د تخنیکي او مسلکي زده کړو اداره په هیواد کې ۲۰ د ځانګړو زده کړو ښوونیز مرکزونه لري چې په یادو مرکزونو کې د لید او اوریدلو معلولیت لرونکو کسانو ته مسلکي زده کړې ورکوي.
دا په داسې حال کې ده، چې تر دې وړاندې هم يو شمېر سوداګرو او خيريه بنسټونو د ځانګړو زده کړو مرکزونو کې خوراکي او ښوونیز تجهیزات وېشلي دي.
