د میدان وردګو ولایت اړوند نرخ کثیرالرشتوي انسټيټوټ د محصلینو د عملي زده کړو بهیر
د میدان وردګو ولایت اړوند نرخ کثیرالرشتوي انسټيټوټ د کرنې څانګې محصلینو ته د قطره اي اوبو لګولو په اړه په عملي بڼه روزنه ورکړل شوه.
لارښود استاد د درس په ترڅ کې محصلینو ته د قطره اي اوبو لګولو د څرنګوالي او د قطره اي اوبو لګولو د ارزښت په اړه په مفصله توګه توضیحات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو د مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
