د لغمان ولایت د مرکز اړوند تخنیکي لېسې د زده کوونکو د عملي زده کړو بهیر
د لغمان ولایت د مرکز اړوند تخنیکي او مسلکي لېسې د برق څانګې، لسم ټولګي زده کونکو د « ویرنګکارۍ » په اړه په عملي بڼه روزنه ترلاسه کړه.
لارښود استاد د درس په ترڅ کې زده کونکو ته د « ویرنګکارۍ او په لوړ پورو ودانیو کې د زینو ویرنګ کارۍ» په اړه مفصل توضیحات ورکړل.
دغه راز د دې درسي جلسې په دوام کې د نوموړو پوښتنو ته هم ځوابونه ورکړل شول.
عملي زده کړې له محصلینو سره مرسته کوي ترڅو نوموړي له فراغت وروسته په مستقیم ډول د کار بازار کې جذب شي.
له همدې امله، د تخنیکي او مسلکي زده کړو ادارې مشرتابه تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.
