د لغمان ولایت د تخنیکي او مسلکي زده کړو آمریت او امیر علی شیر نوايي پوهنتون ترمنځ هوکړهلیک لاسلیک شو
په لغمان ولایت کې د تخنیکي او مسلکي زده کړو ادارې مسؤلینو د امیر علي شیر نوایی پوهنتون له چارواکو سره د ګډو همکاریو هوکړهلیک لاسلیک کړ.
د یاد هوکړهلیک پر بنسټ به د لغمان ولایت د تخنیکي او مسلکي زده کړو مرکزونو فارغان په ځانګړي تخفیف سره د زدهکړو د دوام په موخه پر امیر علي شیر نوايي پوهنتون کې شامل شي.
همداراز په یاد هوکړهلیک کې راغلي چې امیر علی شیر نوايي پوهنتون او د لغمان تخنیکي او مسلکي زده کړو آمریت به د دواړو ښوونیزو بنسټونو د کارکوونکو او استادانو لپاره د ظرفیت لوړونې ګډ پروګرامونه په لاره واچوي.
له بلې خوا د محصلینو لپاره د پرکتیکو دورو جوړول او د دواړو ښوونیزو مؤسسو له کتابتون او کمپیوټرلب څخه د نوموړو ګټه اخیستنه هم د دې هوکړه لیک له موادو څخه دي.
