د تخنیکي او مسلکي زده کړو ملي ادارې د افغانستان د پوهنې ملي ایتلاف موسسې سره ناسته وکړه
د تخنیکي او مسلکي زده کړو ملي ادارې یوه پلاوي د افغانستان د پوهنې ملي ایتلاف له مسوولینو سره وکتل.
د غونډې په پيل کې د افغانستان د پوهنې ملي ايتلاف پر پروګرامونو او موخو خبرې وشوې او د يادې موسسې مسوولينو يې په اړه معلومات ورکړل.
د غونډې په دوام کې د تخنیکي او مسلکي زده کړو ملي ادارې د تعلیمي او تحصیلي چارو عمومي رئیس ښاغلي مولوي مبشر اغا خبرې وکړې او د تخنیکي او مسلکي زده کړو ملي ادارې موخې یې په تفصیل سره بیان کړې.
دواړو لورو د همکاریو پر څرنګوالي خبرې وکړې او پرېکړه وشوه، چې د دواړه بنسټونه به د تفاهم لیک پر بنسټ خپلو همکاریو ته دوام ورکړي.
