د تخنیکي او مسلکي زده کړو ادارې کارکوونکو ته په جهان پوهنتون کې روزنیزه برنامه ترسره شوه
د پلان ترتیب او راپور ورکوونې په برخه کې د ظرفیت لوړونې روزنیز پروګرام د تخنیکي او مسلکي زده کړو ادارې د بشري سرچینو د ادارې د پراختیا او ظرفیت لوړونې آمریت له خوا د جهان خصوصي پوهنتون په همکارۍ ترسره شو.
په دغه برنامه کې د تخنیکي او مسلکي زده کړو ادارې د بېلابېلو ریاستونو څه باندې ۳۰ تنو کارکوونکو ګډون کړی و.
د دغه پروګرام د ترسره کولو موخه د پلان جوړونې او راپور ورکولو په برخه کې د تخنیکي او مسلکي زده کړو ادارې د کارکوونکو د ظرفیت لوړول وو.
د تخنيکي او مسلکي زده کړو ادارې له دې وړاندې هم د خصوصي تحصيلي مؤسسو په همکارۍ ښوونيز پروګرامونه جوړ کړي او دا برنامې دوام لري.
