د تخنيکي او مسلکي چارو مرستيال د ولايتونو له تخنيکي آمرینو سره انلاين ناسته ترسره شوه
د تخنيکي او مسلکي زده کړو ادارې د تخنيکي او مسلکي چارو مرستيال مولوي غلام سعيد احساس د یادې ادارې له تخنيکي آمرینو سره په انلاين ناسته کې خبرې اترې وکړې.
په یاده ناسته کې د بودجې د لګولو پر څرنګوالي، د راپور ورکولو پر اهمیت، د تخنیکي آمریتونو لپاره د پلان په لرلو او د ولایتونو په تخنیکي مرکزونو کې د کتابونو د کمښت په اړه خبرې وشوې.
د تخنيکي او مسلکي چارو مرستيال مولوي غلام سعيد احساس د ولايتي تخنيکي آمریتونو د بودجې د مصرف، کاري پلان او راپور ورکولو په برخه کې لازمې لارښوونې وکړې.
د دغه ادارې د تخنيکي او مسلکي چارو مرستيال ټينګار وکړ چې د اداري چارو په تطبيق کې روڼتيا او حساب ورکونه اړینه ده.
