د تخار ولایت مرکز کثیرالرشتوي انسټيټوټ د استادانو لپاره د ظرفیت لوړونې سیمینار ترسره شو
د تخار ولایت اړوند مرکز کثیرالرشتوي انسټيټوټ د رسمي او حق الزحمه استادانو لپاره د ظرفیت لوړونې سیمینار ترسره شو.
په دې پروګرام کې ۱۱ تنو رسمي او حق الزحمه استادانو ګډون کړی، جې نوموړو ته به د ۲ ورځو په ترڅ کې د تدریس د اصولو او د صنف دمدیریت کولو په اړه روزنه ورکړل شي.
د تخار د تخنيکي آمریت د مسوولينو په وينا، د دغه ښوونيز سيمينار له ترسره کولو څخه يې موخه د یاد ولایت په تخنیکي مرکزونو کې د استادانو د ظرفيتونو لوړول دي.
دا په داسې حال کې ده چې، د تخنیکي او مسلکي زده کړو ادارې رهبري، د کار بازار اړتیاوو او نوي تعلیمي معیارونو ته په ټینګار سره، هڅه کوي چې د دې پروګرامونو له لارې د زده کړې کیفیت ښه کولو او د کار بازار لپاره د زده کونکو د ښه چمتو کولو لپاره زمینه برابره کړي.
