د "برګ متال" کرنې لېسې د بنسټ ډبره کېښودل شوه
ښاغلي مولوي غلام حیدر شهامت او ورسره پلاوي یې نورستان ولایت ته د سفر په ترڅ کې د نورستان ولایت د برګ مټال ولسوالۍ د کرنې لېسې ودانۍ د بنسټ ډبره کیښوده.
د تخنيکي او مسلکي زده کړو ملي ادارې سرپرست په دغه پروګرام کې وويل چې د یادې ادارې رهبري تل هڅه کوي تر څو ځوانانو ته د ښوونې او روزنې په برخه کې ښه شرايط برابر کړي .
دا په داسې حال کې ده چې نوموړو تر دې وړاندې همدا راز د وایګل انسټیټوټ د بنسټ ډبره کېښوده او د نورستان ولایت له سیمه ییزو چارواکو سره یې هم ناسته ترسره کړې ده.
