د ارشاد او دعوت ریاست افغان ټیکنالوژۍ انسټیټوټ زده کړیالانو او استادانو ته په نیک چلند کولو توصیه وکړه
د تخنیکي او مسلکي زده کړو ادارې ارشاد او دعوت ریاست چارواکو د افغان ټکنالوژۍ انسټیټوټ زده کړیالانو او استادانو ته په ښو اخلاقو او ښه چلند کولو توصیه وکړه.
د ارشاد او دعوت ریاست ملا امام سید اسدالله کمالي د افغان تکنالوژۍ انسټیټوټ زده کړیالانو او استادانو ته خبرو کولو پر مهال هغوي ته لارښوونه وکړه چې یو بل ته درناوی وکړي او په خپل منځ کې تعصب ونه کړي.
ښاغلي کمالي وویل: تاسو ټول د هیواد سرمایه یاست. له همدې امله، تعصب مه کوئ. هر ډول تعصب که هغه قومي، ژبنی او سمتي وی په اسلام کې جواز نه لري.
نوموړي دغه راز د افغان ټکنالوژۍ انسټیټوټ له استادانو او زده کړیالانو وغوښتل، چې خپل اخلاق او سلوک د اسلام د سپېڅلي دين سره سم جوړ کړي.
