د خوست تخنیکي انسټیټیوټ زدهکوونکو ته د کانکریټ ټکنالوژۍ عملي زدهکړه ورکړل شوه
د خوست ولایت تخنیکي انسټیټیوټ زدهکوونکو د یوې درسي جلسې په ترڅ کې د «کانکریټ ټکنالوژۍ» په اړه عملي زدهکړه ترلاسه کړه.
د دې پروګرام په جریان کې زدهکوونکي د مهمو عملي موضوعاتو سره بلد شول؛ چې پکې د سمنټو ترکیبي موادو پېژندنه، د کانکریټ کیفیت ارزونه، په کرشپلانټ کې د مخلوط نسبتونه، د لوړ کیفیت کانکریټ د تولید ماشینآلاتوکارونې او اجزاو سره بلدتیا، او همدارنګه د اسفالت ترکیبي مواد او د سړک جوړونې اړوند ماشینآلات شامل وو.
مسؤلینو د دې ډول روزنو موخه د زدهکوونکو عملي مهارتونو پیاوړتیا او کار بازار ته د هغوی چمتو کول وبلل.
د دغې درسي جلسې ګډونوال وایي چې عملي زدهکړې هغوی د کار بازار ته ننوتلو لپاره لا ښه چمتو کوي او د دغو روزنو د لا پیاوړتیا غوښتنه کوي.
د تخنیکي او مسلکي زدهکړو په مرکزونو کې د زدهکړو ډېره برخه عملي ده، له همدې امله د دغو مرکزونو فارغان په مستقیم ډول د کار بازار ته جذبېږي.
