د تخنیکي او مسلکي زده کړو مرکزونو استادانو لپاره روزنیز ورکشاپ پیل شو
د تخنیکي او مسلکي زده کړو ادارې د استادانو د مسلکي ودې ریاست د کابل ښار د بادام باغ په څېړنیز فارم کې د ولایتونو تخنیکي او مسلکي زده کړو مرکزونو د کرنې څانګې استادانو ته د ظرفیت لوړولو شپږ ورځنی ورکشاپ ترسره کړ.
دغه ورکشاپ د "کرنیزو فارمونو جوړولو رشتوي ورکشاپ" تر سرلیک لاندې د کرنې څانګې د استادانو د ظرفیت لوړولو او عملي وړتیاوو پراختیا په موخه ترسره شو.
د دې ښوونیز ورکشاپ په پرانیست غونډه کې، د تخنیکي او مسلکي چارو مرستیال ښاغلي مولوي غلام سعید احساس په هیواد کې د تخنیکي او مسلکي زده کړو مرکزونو له استادانو څخه پر هر اړخیز ملاتړ ټینګار وکړ او ویې ویل چې د تخنیکي او مسلکي زده کړو اداره هڅه کوي ترڅو د ښوونیزو مرکزونو د استادانو د ظرفیت لوړولو په برخه کې ټولې اړینې اسانتیاوې برابرې کړي.
نوموړي دغهراز د یاد ښوونیز پروګرام له ګډونوالو څخه وغوښتل چې خپل مسؤلیتونه په پوره اخلاص او سمه توګه ترسره کړي.
په ورته وخت کې، د تخنیکي او مسلکي زده کړو ادارې د ښوونکو د مسلکي ودې ریاست چارواکي وايي چې په دې ورکشاپ کې د لسو ولایتونو څخه ۲۰ تنه استادانو ګډون ګړی او ټاکل شوې ده چې ډېر ژر به د نورو ولایتونو استادانو لپاره هم دغه شان روزنیز ورکشاپ ترسره شي.
