د تخنیکي او مسلکي زده کړو ادارې اصلاحي غونډه ترسره شوه
د تخنیکي او مسلکي زده کړو ادارې اصلاحي غونډه د یادې ادارې د کارمندانو په ګډون او د شیخ عبدالمالک ابو وثیق په وینا سره ترسره شوه.
په دې درسي جلسه کې، شیخ عبدالمالک په ورځني ژوند کې د اخلاقو او ښه نیت او د مسلمانانو د یووالي په اړه خبرې وکړې.
نوموړي وویل چې اخلاق او حسن نیت د یو شخص عبادتونه ارزښتناک کوي، او د هغه ټول ژوند نوراني، با برکت او د خدای تعالی د رضایت وړ ګرځوي.
شیخ ابو وثیق د دې ښوونیز پروګرام له ګډونوالو څخه هم وغوښتل چې د خپلو ورځنیو چارو په ترسره کولو کې د صادق اوسي او له نورو سره په چلند کې د نیک او منلو وړ اخلاقو څخه کار واخلي.
ارشاد او دعوت ریاست د اونۍ په پیل کې د شنبې په ورځ اصلاحي غونډه ترسره کوي چې په یادې غونډه کې پر اړینو موضوعاتو بحث کیږي.
