د تخنیکي او مسلکي زده کړو ادارې دقانون د بیا کتنې جلسه جوړه شوه
د لومړي ځل لپاره د تخنیکي او مسلکي زده کړو د قانون مسوده چې د تعین شوې کمیټې لخوا په 40 مادو کې جوړه شوې وه د بیا کتنې جلسه د تخنیکي او مسلکي زده ادارې سرپرست مولوي غلام حیدر شهامت په مشری جوړه شوه، چې دتخنیکي او مسلکي زده کړو ادارې د مالي او اداري چارو معاون مفتي فضل الرحمن فاضل د تخنیکي او مسلکي چارو معاون مولوی غلام سعید احساس په شمول د ادارې رئیس صاحبانو او همکارانو ګډون درلود، د قران کریم له تلاوت وروسته د قانون مسوده د ادارې حقوقي سلاکار مولوي شاه میر غوري، او حقوقي کارشناس حقوق دان حکمت الله روحاني لخوا په تفصیلي ډول تشریح شوه چې مشمولینو په مسوده کې د اصلاحاتو او تعدیل په اړه خپل نظریات او مشورې ورسره شریکې کړې.
دا لومړی ځل دی چې د تخنیکي او مسلکي زده کړو لپاره مستقل قانون چې (40) مادې لري جوړیږي له دې مخکې به د تخنیکي او مسلکي زده کړې ادارې د پوهنې د قانون له مخې تنظیمولې چې محصلین، استادان او د تخنیکي او مسلکي زده کړو ادارې رهبري یې له زیاتو ستونزو سره مخ کړې وه، ان شاء الله چې د قانون په تصویب سره به د تخنیکي او مسلکي زده کړو اداره ډیر پرمختګ وکړي.
