د جوزجان د تخنيکي زده کړو په مرکزونو کې څه باندې ١٤٠٠ نيالګي کېنول شول
د جوزجان ولایت د تخنیکي او مسلکي زده کړو آمریت مسولین د یاد ولایت د تخنیکي او مسلکي زده کړو په مرکزونو کې د شاوخوا ۱۴۰۰ نیالګیو کېنولو خبر ورکوي.
په جوزجان کې د تخنيکي زده کړو د مرکزونو د نيالګيو ايښودلو په پروګرام کې سيمه ييزو مسوولینو هم ګډون کړى و.
دجوزجان ولايت تخنيکي آمر قاري سيد نصرت الله نصرت وايي چې دغه پروګرام د نیالګیو ایښودلو کمپاين د په چوکاټ کې چې دتخنيکي او مسلکي زده کړوادارې د فرهنګي کميټې له خوا په لاره اچول شوى و، عملي شو.
تر دې مخکې د تخنيکي او مسلکي زده کړو ادارې د تخنيکي آمریتونو په مرسته په ټول هېواد کې د نيالګيو ايښودلو کمپاين پيل کړى و، چې تر اوسه د دې ادارې په تعليمي مرکزونو کې نږدې پنځوس زره نيالګي(۵۰۰۰۰) کېنول شوي دي.
