دخوست ولایت دتخنیکی او مسلکی امریت سره د پاملرنې نړیوالې موسسې (CARE) د همغږۍ غونډه ترسره شوه!
دخوست ولایت دتخنیکی او مسلکی امریت سره د پاملرنې نړیوالې موسسې (CARE) د همغږۍ غونډه ترسره شوه!
سه شنبه (۱۰ غبرګولی ۱۴۰۱)
د پاملرنه نړیوالې موسسې او د خوست ولایت د تخنیکي او مسلکي زده کړو امریت ترمنځ د همغږۍ ګډه غونډه د یادې موسسې په ولایتي دفتر کې ترسره شوه.
لومړی د خوست ولایت د تخنیکی او مسلکی امر انجنیر عابد الرحمن عابد؛ د تخنيکي او مسلکی زده کړو په ارزښت او ګټو په تفصيل سره خبرې وکړې او ددغه ولايت دتخنيکي او مسلکي مرکزونو کړنې او ستونزې ددغه موسسې له ولايتي مسؤلې اغلې راشد ثاقب سره شريکې کړې.
اغلې ثاقب د موسسې د موخو او برنامو په بیانولو سره وویل: خوښۍ احساس او ویاړو چې په خوست ولایت کې مسلکي انسټیټونه او عالي لېسې لرو او غواړو چې د دې ولایت په مرکز او ولسوالیو کې ستاسو په همغږۍ خپلې ځینې پروژې پیل کړو. .
اغلې ثاقب زیاته کړه چې زموږ ډېری پروژې ستاسو روزنیز سیسټم سره ورته والی لری. ستاسو په مشوره او همکارۍ موږ هڅه کوو چې ځینې پروژې لکه حرفوي، کرنې او مالدارۍ زده کړې برابرې کړو او همدارنګه ستاسو د مرکزونو فارغین یادو پروژو ته جذب کړو.
په پای کې د موسسې مسؤلې ژمنه وکړه چې په راتلونکي کې به د ولایت له تخنیکي او مسلکي امر سره په ټولو برخو کې همکاري وکړي.
