په سرپل کې د ظرفیت لوړونې له روزنیز پروګرام څخه 150 تنه مجاهدین او نوي ګمارل شوي کارکوونکي فراغ شول
د ا.ا.ا (150) تنه مجاهدین او نوي ګمارل شوي کارکونکي د یاد ولایت د تخنیکي او مسلکي زده کړو آمریت له خوا جوړ شوی 45 ورځنی روزنیزه دوره په بریالیتوب سره پای ته ورسوله.
نوموړو د فراغت تصدیق پاڼې د هغو مراسمو په ترڅ کې ترلاسه کړل چې د تخنیکي او مسلکي زده کړو ادارې پلاوي او د سرپل ولایت سیمه ییزو چارواکو په کې برخه اخیستې وه.
په دې مراسمو کې د مسلکي انسټیټونو او عالي لیسو د زده کونکو او زده کړیالانو هنرونه او نوښت نندارې ته وړاندې شو او نوښتګر زده کونکي وهڅول شول.
د یادولو وړ ده چې په ولایتونو کې د تخنیکي او مسلکي زده کړو آمریتونو له خوا د ا.ا.ا مجاهدینو او نویو ګمارل شویو کارکوونکو لپاره د ظرفیت لوړونې پروګرامونه جوړ شوي چې په دغو پروګرامونو کې د انګلیسي ژبې، اداري او مدیریتي مهارتونه تدریس کیږي.
