د افغانستان د نندارتون په مرکز کې د اووم تحصیلی نندارتون ترسره کول
د تحصیلي مؤسسو اووم نندارتون د افغانستان د نندارتون په مرکز کې د ۴ ورځو لپاره دایر شو. د دې نندارتون د جوړولو موخه د تحصیلی مرکزونو د محصلینو له لاسی صنایعو سره د زده کوونکو او محصلینو آشنا کیدل او دی مرکزونو ته د هغوی پام را اړول او جذبول ذکر شوی دی.
د تخنیکی او مسلکی زده کړو اداره ددی نندارتون جوړلو کی یو له همکارو ادارو څخه ده، چی د تخنیکی او مسلکی زده کړو د ښوونځیو او انسټیټونو د زده کوونکو لاسی صنایع هم پدی نندارتون کی ننداری ته وړاندی کړل. چی د تخنیکی او مسلکی زده کړو د زده کوونکو او محصلینو لاسی صنایعو او نوښتونو ننداری ته وړاندی کولو موخه، په تخنیکی او مسلکی زده کړو کی د عمومی څانګی لپاره د لوی شمیر زده کوونکو جذبول او لاسي صنایعو او زده کونکو ته بازارموندنه ده.
ددی برنامی ویناوالو هم د زده کوونکو لاسی صنایع د اهمیت وړ وبلل، او ټینګار یې وکړ چې د ورته برنامو ترسره کولو اصلي موخه له فراغت وروسته د زده کوونکو د بیکاري اندیښنو ته رسیدنه ده.
له همدې امله د لاسي صنایعو قوي کول، د تعلیمي مرکزونو محصولاتو لپاره بازار موندنه او د کار پر اساس روزنې لپاره هلې ځلې کولی شي په افغانستان کې د دوامداره ودې او پرمختګ لپاره لاره هواره کړي.
دا نندارتون به د ۱۴۰۰ کال د ورې میاشتی له ۸ تر ۱۱ پوری دوام وکړی، لیدونکي کولی شي لدی نندارتون څخه لیدنه وکړي.
